Kopzorgn week 3 2012

Kopzorng

Moi maoten en maotinnen,

Op de ni'jjaorsreceptie van de gemeente zee burgemooder Van der Tas, dat uut een enquête 'ebleken is dat de inwoners van Steenwiekerlaand graeg in de gemeente wil-n wonen en 'r ook wil-n bliêm wonen. 't Woongenot wordt waerdeerd mit 'n 8+.

Ik wete neet oe of jullie daorover denken, maor 't vaalt mi'j wat teung. Ik 'adde 'docht dat er minstens 'n 9½ uut zol koôm.

Em jullie ook mit'edön an dat onderzeuk en zo neet, wat veur ciefer zol-n jullie geêm an 't wonen in Steenwiekerlaand en waoromme?

Wetten'older Van de Noulaand lat de leste tied wel aarg veule van 'm 'euren, vien jullie ook neet? I'j ef tiedens de veurlees-daeng in de bibliotheek veur'elezen uut 't bookien "Mama kwiet", maor ik zitte mi'j of te vraong' of Van den Noulaand sellef de weg neet kwiet is. Ik zagge nog neet zolang 'eleden

'n foto, waor i'j opston te jeu-de-boulen, maor dee foto deu mi'j wel aarg denken an 'n zeker persoon uut de leste wereldoorlog. En lest zag ik 'm weer in de kraante staon mit 'n aantal veteranen en d'enigste dee de corsage an de verkeerde kaante drög was ... jaowel Van den Noulaand. Wat vien jullie? Is dee Van den Noulaand een beetien de dwarsligger van Steenwie-kerlaand?

Ruum 1 miljoen (!) wordt er uut'etrökken veur de verbouwing van De Buze. Denken jullie dat dat 't geld weerd is?

De verkering tussen De Meenthe en Ogterop uut Möppelt is uut.

De ni'je manager van Ogterop, vrouw Kaastra, zag niks meer in een verdere ver'olding mit 'An h'Evers en richt zich now op Assen, 'Oogevene en Emm-n. Wat vien-n jullie? Zol dat ten koste gaon van 't theater-anbod van De Meenthe en zo ja, zol dan uutbreiding van De Meenthe nog wel verantwoord weên?