Kopzorng

Kopzorgn week 7 2012

Kopzorng

Moi maoten en maotinnen,

"Herstel bruggetjes Gasthuispoort" kopde 't Olde Wieffien in de vri-jdagkraante. 't Skient dat de broggies rond 't parkeerdek an de Gast'uuspoorte deur reeng' en vorst al maonden of'esleuten bin veur publiek vanwege "instabiliteit". Maor dat ef niks te maeken mit meugelijke constructiefouten bi-j de anleg van 't parkeerterrein, zeg de gemeente. Now wor-ik miteen al 'n beetien wantrouwend as de gemeente zôkke opmaarkings maekt en ik denke dan geliek: z'em wat te verbaarng'. Wat vien jullie? Zit ik d-r 'elemaole naost?

Een Steenwiekse graffologe is ofgeleupen donderdag beneumd tot Ridder in de Orde van Oranje Nassau. Gefieliecieteerd. Maor now komp mien vraoge. De allerbekendste graffoloog van Steenwiek, 'Enke de Vries, dee jaorenlaank 'ewaarkt ef bi-j 'De Leste Eer', is volngs mi-j nog nooit 'eridderd. Denken jullie ook neet, dat 't daorveur eindelijk ies tied wordt?

Dit weekend is 't carneval. Sellef ek niks mit carneval, maor ik wete d-r wel 'n klein beetien van of. Now zat ik mi-j of te vraong of de restaanten van de Steenwieker carnevalsverenings wel weten waor carneval eigelijk omme draeit? Waoromme gao-j aanders carneval vieren op 27 jannewaori (De Pompestompers) of op 11 februwaori ( De Hunnen). Of gaot 't allenig maor om feesten en zoepen? Mien veurstel is om dee Steenwieker Carnevalsverenigings zo gaauw meugelijk op te 'effen. Akkoord?